Генералниот директор на Сасуло, Џовани Карневале, потврди дека нивниот играч Стефано Сенси ќе биде продаден во Интер. 24-годишниот играч од средниот ред моментално игра во Интер како позајмен играч, но со своите настапи стигна и до италијанската репрезентација.
Играчот од средниот ред ја започна сезоната многу добро, но потоа се повреди и влегувањето на Кристијан Ериксен во форма го спречи да продолжи со главната улога во тимот.
„Интер ќе го купи Сенси. Сè е договорено. И ние во Сасуоло наскоро ќе започнеме преговори за продолжување на договорите“, рече Карневале.
На прашањето дали кризата ќе влијае на договорот со Стефано Сенси, директорот на Сасуоло одговори: „Некаде може да паднат цените на играчите, но не и на нашите играчи. Цената останува иста како што беше пред избувнувањето на пандемијата на коронавирусот“ заврши Карневале.

