Годинава Сојузот на спортови на Град Скопје во рамките на Виз Ер Скопски маратон го одбраа 31-ви март како идеален датум за реализација на Авицена Женската трка. Стартната точка е кај фонтаната Лотос на булеварот Илинден во Скопје со почеток во 09:30часот.
„ Годинава додадовме еден километар со што вкупната должина ќе биде три километри. Имајќи в предвид дека трката е еден ден пред денот на шегата ги повикуваме сите да дојдат и да се забавуваат со маски за да внесеме што повеќе позитивност и радост во трчањето“ – изјави Гордана Николовска од Сојуз на спортови на Град Скопје.
„Има повеќе од 2.000 натпреварувачки. Кандидатките кои се пријавија пред 28-ми февруари преку купување на „dry-fit“ маичка, донираа по 100 денари за помош на Снежана Караџовска која има желба повторно да прооди. Тие што нема да се натпреваруваат а сакаат да помогнаат , тоа ќе може да го направат со отворените донации во кутии на 31-ви март.“ – рече Кире Синадиновски, директор на Виз Ер Скопски маратон. Во рамки на партнерството со Авицена Женската трка, Парк Хотел и Спа, приреди бројни изненадувања за учесниците.