Дербито на групата „А“ меѓу ПСЖ – Манчестер Сити ќе биде посебно за Лионел Меси, кој ќе се соочи со поранешниот тренер во Барса, Пеп Гвардиола, под чие водство освои два трофеја во ЛШ. Битката на гигантите привлекува посебно внимание поради богатство со кое располгаат сопствениците на двата клуба како и поради ѕвездите што ги имаат на теренот. Реално, тоа се двете екипи што според сите проценки треба да се појават и во финалето. Во другиот натпревар од групата ќе се сретнат РБ Лајпциг и Бриж.
Во групата Б, Милан е домаќин на Атлетико Мадрид на „Сан Сиро“ а Ливерпул ќе гостува кај Порто. За Милан тоа прв домашен натпревар во Лигата на шампионите по седум години. Мотивација за победа ќе биде огромна. Во вториот меч во групата „црвените“ ќе бидат фаворити на теренот на Португалците.
Во групата Ц ќе играат Ајакс – Бешикташ и Борусија (Дортмунд) – Спортинг (Лисабон). Средбата во Холандија ќе започне во 18.45 часот. „Копјаниците“ се влезени во фантастична гол серија додека Турците играат топло-студено. Од 21.00 часот на „Сигнал и дуна парк“ ќе истрчаат фудбалерите на Борусија Дортмунд и Спортинг Лисабон. Пред мечот се наметнува прашањето дали младата ѕвезда на „милионерите“, Ерлинг Халанд, ќе дојде до 21 гол во елитата со што ќе влезе во топ -50.
Во групата Д мечевите ќе бидат реализирни во два термина. Во 18.45 Шахтјор Донецк ќе го пречека Интер. Украинците се редовни учесници во ЛШ, но, без позначајни успеси. За разлика од нив, Италијанците се поранешни шампиони. Згора на тоа „нероаѕурите“ квалитативно отскокнуваат. Во вечерниот термин од 21.00. Реал Мадрид ќе го пречека Шериф Тираспол. Тука е илузорно да се анализира рејтонгот и квалитетот на двата табора. Се освен победа на Шпанците ќе биде огромна сензација