Откако синоќа беа одиграни дел од натпреварите во Лигата Д, а Белорусија славеше над Луксембург од 2:0 во Групата 2, сега Македонија со две победи во последните две кола, вечерва против Лихтенштајн и во понеделник против Гибралтар во Скопје, дефинитивно според бодовната ситуација на првопласираните четири селекции ќе биде меѓу првите две најдобри со што ќе го има правото да биде домаќин во полуфиналната средба.
Белорусија во Групата 2 е со 11 бода на чело на едно коло до крајот, без можност за подобар бодовен резултат од Македонија ако ние победиме во последните две средби до крајот. Иста е ситуацијата во Групата 3 каде Косово е на врвот со 8 бода на две кола пред крајот. Со тоа, Македонија и Грузија (која е убедливо најдобра од првата група) би биле домаќини во полуфиналните натпревари.
Според правилата и согласно форматот на УЕФА, најдобрата (според бодовниот ефект) првопласирана селекција од четирите групи во полуфиналето ќе игра против четвртата, а втората најдобра против третата. Додека финалето ќе се игра на неутрален терен.