Селекцијата на Сенегал стана првата африканска репрезентација на ова СП која почна со победа. Денеска на последниот меч од 1. Коло во групната фаза, Сенегалците ја совладаа Полска со 2:1.
Во една мудра престава, селекторот на Сенегал Алиу Сисе, на крајот заедно со своите избраници се израдува на триумфот кој тргна со автоголот на Чионек во 37. Минута на средбата. Во вториот дел следуваше уште една катастрофална грешка на Полјаците, лошо вратена топка кон голманот Шчесни, по што Нианг успеа да украде и погоди во празната мрежа за 2:0.
Полска се врати со гол во 86. минута преку Криховјак, но тоа беше буквално се што успеаја да направат Полјаците на овој меч.