Легендарниот менаџер на Манчестер Јунајтед, Сер Алекс Фергусон попладнево бил префрлен во болница, а неофицијално се наоѓа во сериозно тешка состојба.
Човекот кој долги години го предводеше тимот на Манчестер Јунајтед до многу трофеи се наоѓа пред можеби најтешката битка во животот, но иако сеуште нема официјални информации, сепак се стравува за неговото здравје.Синот на Сер Алекс Фергусон, Дарен Фергусон денес не се појавил на тренинг на неговиот клуб Донкастер, а причината е здравствената состојба на неговиот татко.
Алекс Фергусон последен пат беше забележан во јавноста пред една недела кога го испрати Арсен Венгер пред почетокот на натпреварот Манчестер Јунајтед – Арсенал, доделувајќи му пригоден подарок како знак за благодарност за 22-годишната кариера како предводник на екипата нa Арсенал.
Медиумите во Англија најавуваат дека во текот на утрешниот ден ќе се знае конкретно за што станува збор и каква е состојбата со Фергусон.