Винченцо Монтела веќе не е тренер на шпанскиот тим Севиља, херојот по елиминацијата на Манестер Јунајтед во Лигата на шампионите, за брзо време се претвори во трагичар во екипата на Севиља и поради лошите резултати во панска Ла Лига заработи отказ.
Раководството на овој клуб денес реши да му даде отказ на својот тренер по вчерашниот пораз кај Леванте и на неколку кола до крајот на првенството.
Монтела дојде на клупата на тимот од Андалузија во месец декември минатата година и во почетокот имаше одлични резултати. По елиминацијата на Манчестер Јунајтед неговата Севиља не успеа да добие ниту еден натпревар, беше убедливо совладана од Барселона во финалето на Купот на Кралот, а капак на се беше синоќешниот пораз од Леванте со што ги намалија шансите за висок пласман.
Според информациите кои ги објавија од клубот до крајот на сезоната како привремено решение на клупата на Севиља ќе биде Хоакин Капарос, кој има искуство од водење на оваа екипа, бидејќи беше предводник на овој тим од 2000 до 2005 година.