Facebook Twitter Instagram
    Спортско Радио 90.3
    • Дома
    • Фудбал
    • Кошарка
    • Ракомет
    • Тенис
    • Домашен микс
    • Меѓународен микс
    Спортско Радио 90.3
    Home»Домашен микс»Шампионот Струмицана отворањето на сезоната против Јанта Волеј
    Домашен микс

    Шампионот Струмицана отворањето на сезоната против Јанта Волеј

    sasoBy saso25/09/2025No Comments2 Mins Read
    Facebook Twitter Pinterest LinkedIn Tumblr Email

    На состанокот на Лигашите во пресрет на новата натпреварувачка сезона 2025/2026 одржан во хотелот „Александар Палас“ во Скопје беше извршена ждрепка за натпреварувачките броеви на клубовите кои ќе се натпреваруваат во Првата лига – мажи.

    Најсилната машка лига сезонава ќе брои 12 екипи со оглед на тоа дека Вардар 1947 не достави пријава за настап во Првата лига во новата сезона.

    Ждрепката на натпреварувачките броеви одлучи во првото коло шампионот Струмица 47&72 одбраната на титулата да ја стартува на домашен терен против Јанта Волеј. Носителот на Куп пехарот и ланскиот финалист во плеј-офот Штип УГД, пак, ќе му гостува на Сушево 1978. Во првото коло ќе имаме и два градски дерби дуели – Работнички 71&22 ќе го пречека Скопје, додека Универзитет во Тетово ќе се „судри“ со Шкендија. На отворањето на новата сезона уште ќе се соочат и Борец и Лирија, како и Весна Пробиштип со Македонија Џио.

    Според Пропозициите за натпреварување во сезоната 2025/2026 прволигашите во есенскиот дел ќе одиграат 11 натпревари по еднокружен бод систем. По завршувањето на првиот дел првите шест пласирани екипи играат во плеј-оф пренесувајќи ги бодовите од првиот дел. Се игра двокружно „секој со секого“ и потоа првите четири екипи обезбедуваат пласман во полуфиналето на плеј-офот и ќе разигруваат за битка за шампионската титула.

    Екипите кои во есенскиот дел ќе се пласираат од 7. до 12. место ќе ги пренесат бодовите од првиот дел и ќе разигруваат во плеј-аут фазата. Ќе се натпреваруваат двокружно (дома-гости), а по завршувањето на натпреварите се добива конечниот пласман во првенството.

    Календарот на натпреварувачката сезона 2025/2026 е дефиниран според ФИВБ и ЦЕВ, кои ги поставуваат рамките на почетокот и крајот на националните првенства, поради одржувањето на СП 2025, како и престојното ЕП следната година. Првенството стартува на 25 октомври.

    ПРВА ЛИГА МАЖИ 2025/2026

    1.КОЛО, ДВОЈКИ:

    Работнички 71&22 – Скопје

    ГОК Борец – Лирија

    Струмица 47&72 – Јанта Волеј

    Универзитет во Тетово – Шкендија

    Весна Пробиштип – Македонија Џио

    Сушево 1978 – Штип УГД

    Share. Facebook Twitter Pinterest LinkedIn Tumblr Email

    Related Posts

    Македонија се запиша во историјата на Младинските олимписки игри Дакар 2026

    16/11/2026

    Ален и Адријан Рустемовски од утре ги започнуваат натпреварите на ЕП ви бокс У-23

    16/11/2026

    Украинецот Захариев е освојувач на 55. „Златен Гонг“

    15/11/2026

    Leave A Reply Cancel Reply

    СПОРТСКО РАДИО 90.3 / ВО ЖИВО
    МАРКЕТИНГ
    Следете не на Facebook
    Најнови вести
    • Македонија против Словенија го затвора неуспешното поглавје во Лигата на нациите Б -лига
    • Македонија се запиша во историјата на Младинските олимписки игри Дакар 2026
    • Ален и Адријан Рустемовски од утре ги започнуваат натпреварите на ЕП ви бокс У-23
    • Англиската репрезентација постави рекорд по натпреварот против Шпанија
    • Баерн Минхен бара дури 300 милиони евра за Мајкл Олисе
    За Спортско Радио
    Почнувајќи од 22 февруари 2005 година, Спортското радио 90.3 фм емитува исклучиво спортска програма, со повеќе од 15 часовна програма во живо. Концепцијата на Спортското радио 90.3 фм е пред се, брзо и точно информирање за сите спортски настани. Спортското радио 90.3 фм има традиција, преточена во нов спортски звук!

    © 2026 ThemeSphere. Designed by ThemeSphere.

    Type above and press Enter to search. Press Esc to cancel.