Македонскиот прволигаш и претставник во квалификациитге на Лига Европа, екипата на Шкупи денес го престави своето големо засилување во нападот.
Костариканскиот напаѓач Фреди Алварез е нов фудбалер на тимот од Чаир, откако ги договори сите детали и од оваа сезона ќе настапува за оваа екипа.
25-годишниот Алварез настапуваше за младинската и олимписката селекција на Костарика. Во досегашната кариера пред се играше во својата земја, а последен негов клуб е Хиракал. Алварез има играно и за костариканските екипи Херидијано, Ајалуаленсе, Депортиво Мунисипал и Саприса.