Фудбалерите на Шпанија се мотивирани да го освојат СП по втор пат, а за тоа придонесуваат и бомбастичните премии кои ги очекуваат, тврди весникот „Марка“.
Секој од играчите ќе заработи бруто по 825 000 евра, ако Шпанија стигне до триумф на Мундијалот 2018. Во 2010-та, кога Шпанците стигнаа до големата победа во Јужна Африка, Шпанските репрезентативци зедоа по 600 илјади евра премија. Четири години подоцна, Шпанската кралска федерација вети 720.000 евра. Сепак, фудбалерите не успеаа и испаднаа во групната фаза.
Актуелните бонуси сега се двојно повисоки од оние кои ги добиваат играчите на актуелниот светски шампиони Германија. Бундестимот има премија од 350.000 евра по играч. Фиксните премии на Шпанија ги рангираат на врвот според овој показател. Прилично блиску до нив се Бразилците кои ќе се борат за 800.000 евра по играч.
ФИФА ќе го награди новиот светски шампион со 33 милиони евра, додека вицешампионот ќе добие 25 милиони евра.