Шпанската национална телевизија (РТЕ) објави дека нема да даде понуда за купување на ТВ правата за „Супер купот“ на оваа земја, што ќе се одржи во Саудиска Арабија во јануари.
Телевизиските претставници рекоа дека причината за нивната одлука е само една – злоупотреба на човековите права во арапската земја. Пред неколку дена, шпанската фудбалска федерација објави дека постигнале договор за „Супер купот“ да се игра во Саудиска Арабија и тоа за следните три години.
Покрај тоа, не само шампионот и победник на Купот на Шпанија, туку четири екипи ќе се борат за тоа. Оваа сезона тоа се Барселона, Реал Мадрид, Атлетико Мадрид и Валенсија.