Суперкупот на Шпанија веќе ќе се игра во странство и ќе биде во изменет формат, објави претседателот на Шпанската фудбалска федерација Луис Рубиалес.
Во новиот формат ќе учествуваат четири, наместо традиционалните два тима. Во моментов сепак Рубиалес не даде повеќе детали ниту каде ќе се одржуваат средбите, ниту кои тимови, освен шампионот и носителот на Купот на кралот, ќе имаат право да играат.
Единственото нешто што е познато е дека четирите тима ќе бидат поделени во две полуфинални двојќи и дека победници од овие натпревари ќе се сретнат во финалето.
Рубиалес беше избран за претседател на Шпанската фудбалска федерација во мај 2018 година и една од првите работи кои направи беше да ја смени формата на Суперкупот. До 2017 година шампионот играше со освојувачит на Купот во два натпревари, дома и гости, но во 2018 година шампионот Барселона играше еден натпревар со финалистот од Купот, против Севиља на неутрален терен во мароканскиот град Тангер. Каталонците победија со 2:1 на оваа средба.
Сосема е можно овој нов формат на Суперкупот со четири тима да се одржува на територијата на САД. Претходно беше најавено дека Џирона и Барселона ќе го играат натпреварот од првенство во Мајами, но Шпанската фудбалска федерација стави вето над оваа одлука.