Македонската фудбалска репрезентација вечерва на арената „Тодор Проески“ во Скопје (20.45 часот) ја пречекува селекцијата на Украина, во натпревар од 3. коло во квалификациите за пласман на Европското првенство в година во Германија.
„Украина е извонредно квалитетна селекција и екипно и индивидуално. Овој меч ќе биде поразличен од тој со Германија, мислам пред сѐ во пристапот на Украина, но тоа не значи дека не сме подготвени. Ги анализиравме, имаат нов селектор, ги анализиравме и од мечот на Европското првенство и други натпревари, но и мечот со Германија. Заклучокот е дека се извонредно силна селекција“, истакна пред мечот селекторот на нашата селекција, Милевски.
За Македонија и Украина ова ќе биде шестиот меѓусебен дуел. Македонија има една победа (1-0 во Скопје во тест-натпревар, во 2004 година), еден меч заврши нерешено (0-0, на гости, пријателска средба во 2003 година), а Украина забележа три победи (1-0 дома и 2-0 на гости во квалификациите за пласман на Европското првенство во 2016 година во Франција и 2-1 на континенталниот шампионат во 2021 година).
Во нашата група во истиот термин вечерва Англија и гостува на Малта.