Играчот од средниот ред на Реал Сосиедад, Давид Силва постигна гол на натпреварот од 35. коло на Ла Лига со Леванте (1:2). Тој стана најстариот стрелец во клубот, соборувајќи го рекордот на Валери Карпин, беше објавено денес на социјалните мрежи.
Давид Силва го постигна голот на 36 години и 118 дена. Шпанецот го надмина рекордот на поранешниот играч за врска Валери Карпин, кој постигна гол за Реал Сосиедад на 36 години и 59 дена.
Синоќа се одигра натпреварот од 35.коло во Ла Лига во кое Леванте успеа да го совлада Реал Сосиедад со 2:1. Избраниците на Алесио Лиси по 35 натпревари се наоѓаат на 19. место во шпанско првенство. Од друга страна тимот од Сан Себастијан е на шестото место.