Тренерот на Атлетико Мадрид, Диего Симеоне, зборуваше за моменталната ситуација со напаѓачот Жоао Феликс .
„Најважно е дека никој од нас кои сме во тимот не е поважен од самиот клуб. Атлетико е многу поважен од индивидуалните личности“, изјави Диего Симеоне во интервјуто со новинарот Фабрицио Романо.
Да потсетиме, минатата недела Феликс зборуваше за печатот за неговата желба да игра за Барселона. После тоа, Атлетико соопшти дека клубот бил „огорчен и лут“ од зборовите на 23-годишниот напаѓач. Воедно, управата на Атлетико Мадрид се согласи за трансфер на Португалецот во Барселона.
Во втората половина од сезоната 2022/2023, Феликс играше за Челзи на позајмица. Во лондонскиот клуб помина 20 натпревари во сите натпреварувања и постигна четири гола. Договорот на играчот со мадридскиот клуб е со важност до крајот на јуни 2027 година. Проценетата цена на овој фудбалер, според интернет порталот Трансфермаркт, е 50 милиони евра.