Фудбалерите на Македонија ЃП се подготвуваат за првиот меч со летонска РФС во првото елиминациско коло од УЕФА Конференциската лига. Пред четврточниот дуел на теренот на ФФМ, тренерот на ѓорчепетровци, Горан Симов оптимистички гледа на дуелот со Летонците.
„На хартија РФС е мал фаворит, но секако ние на секој меч одиме да дадеме максимум и да победиме. Искрено се надевам дека на првиот меч на домашен терен ќе дојдеме макар до минимална победа за да гиз адржиме шансите на реваншот да се бориме за место во следното коло. Тимот е подготвен, сите играчи од ростерот се здрави и конкурираат за првиот тим. Можеби во подготвителниот период не успеавме да направиме многу позитивни резултати, но формата оди нагоре и сега е време кога треба да го покажеме најдоброто од нас“, вели Симов во изјавата за Спортското радио 90.3 фм.
Мечот меѓу Македонија ЃП и РФС е закажан за в четврток од 17.30 часот на теренот на ФФМ.