Сите клубови во Премиер лигата се за тоа сезоната да ја завршат како што треба и на регуларен начин.
Сепак не е договорен точниот датум за обновување на првенството ниту за негово завршување, како што објавуваа медиуми во последните неколку дена, пренесуваат англиските медиуми. Разработени се различни сценарија, со дискусии на сите вклучени страни, а сите натпреварите ќе бидат емитувани преку телевизиите. Здравјето на сите останува приоритет, а дуелите ќе продолжат само кога ќе се воспостават медицински предуслови, во согласност со владините одлуки и мерки.
Сите веќе се помирија и го прифатија фактот дека преостанатите 92 натпревари ќе се играат пред празни трибини. На овие мислења биле сите клубови кои биле дел од видео-конференција која траела околу два часа. Во овој момент, натпреварите од Премиер лигата се прекинати до 30 април, но рокот секако ќе биде продолжен.

