Играчот за врска на Интер, Ешли Јанг е уште еден играч кој бил позитивен на коронавирус, објави клубот. Резултатот од вчерашниот тест на Англичанецот покажале дека тој е носител на инфекцијата и затоа играчот е веќе во карантин.
Ешли Јанг е шестиот играч на „нероазурите“ кој бил позитивен на тестот КОВИД-19. На почетокот на оваа недела, неговите соиграчи Алесандро Бастони, Милан Шкрињар, Роберто Гаљардини, Раџа Наинголан и Јонуц Раду беа ставени во карантин. Во сабо, Интер треба да го игра градско дерби против Милан, каде се заразени дефанзивците Лео Дуарте и Матео Габија.
Според протоколот од Серија А, една екипа може да побара одложување на натпревар доколку има регистрирано најмалку 10 случаи на заразени играчи во рок од една недела. Првиот во таборот на Интер е од 7 октомври. За да се одигра натпреварот, двата тима мора да имаат најмалку 13 здрави играчи, од кои барем еден мора да биде голман.