Манчестер Јунајтед стана уште еден клуб кој го следи напаѓачот на Фиорентина, Федерико Киеза. „Црвените ѓаволи“ кои го следат настапот на Италијанецот уште од почетокот на сезоната, го идентификувале како опција за зајакнување на нападот во текот на летото.
Киеза е производ на училиштето во Фиорентина, каде што започна да тренира во 2007-ма и помина девет години. Тој влезе во првиот тим во 2016 година и брзо стана еден од главните играчи на „виолетовите“. Од почетокот на сезоната тој има 7 голови и 3 асистенции на 23 натпревари во Серија А. Тој исто така има 17 натпревари и 1 гол за репрезентацијата на Италија.
Затоа нема да биде изненадување доколку во текот на летото првите луѓе на Манчестер Јунајтед испратат понуда за да го обезбедат потписот на Киеза.