Сојузот на Спортови на град Скопје денеска на посебна свеченост ги награди најдобрите за годинава што изминува. Признанието најдобар спортист заврши кај Дејан Георгиевски – Таеквондо клуб Бутел за освоениот сребрен медал на Олимпијадата во Токио. Неговиот тренер, Др. Борче Костовски , ја доби наградата во таа категорија.
Во категоријата перспективен млад спортист – кадет за 2021 година награден беше Амар Хусеиновиќ – Тениски Клуб МТП Скопје додека за најуспешен спортист – странец кој настапува во екипа од Скопје, признанието го доби Анте Гаџа – АД Ракометен клуб.
Најуспешен спортист во категоријата на лица со попреченост: Андреј Стојановски – “Сојуз за спорт и рекреација на инвалиди на Кисела вода“ Два пати четврти и два пати петто место на Светското Првенство во Гливице – Полска во пливање на кратки базени за глуви и наглуви лица . Стоилко Стоицев – Планинарски клуб Македон Оваа година успешно го искачи врвот Килиманџаро во Африка 5895 метри, што стана и првиот Македонец како лице со хендикеп (лице со оштетен вид) што го има искачено врвот.

