Капитенот на Реал Мадрид, Серхио Рамос може да го пропушти денешното фудбалско „Ел-класико“ против Барселона закажано во рамките на новото коло во шампионатот на Шпанија.
Весникот – „Марка“ денеска пишува дека дефанзивецот кој во средата на мечот со Каталонците одигран во рамките на Купот имаше непријатен судир со Касемиро, повторно се соочува старите проблеми со коленото. Медицинскиот тим на „кралевите“ се обидува да ја санира повредата, но, според проценките, мали се шансите Рамос да биде на теренот.
Тренерот Солари сега се соочува со големи проблеми во дефанзивата бидејќи стандардниот Начо е повреден а Рафаел Варан е суспендиран. Ако кон нив се додате и Рамос, Реал практично останува само со 22 – годишниот Хесус Ваљехо на позцијата стопер.
