Нашите најдобри одбојкари денеска од 17.00 часот ќе и гостуваат на селекцијата на Швајцарија во рамките на групата „Ф“ во квалификациите за Европското првенство кое ќе се реализира во наредната година.
За Македонија тоа ќе биде последен натпревар во сегашниов период на мечеви бидејќи последните два ќе ги реализира догодина. Македонија во моментов се наоѓа на втората позиција во групата со тенденција да остане таму и во најмала рака да биде најдобар второпласиран тим и со тоа да обезбеди место на континенталниот собир.
Во вториот денешен меч во нашата група, Унгарија од 18.30 часот ќе ја пречека Украина.