Владата на вчерашната вонредна седница по повод големата трагедија во Кочани во која згаснаа 59 млади животи а повеќе од 100 лица се хоспитализирани, донесе одлука за седумдневна жалост на целата територија. Сите национални знамиња ќе бидат спуштени на половина копје.
„Секој да се придржува до одлуката бидејќи казните за непочитување ќе бидат ригорозни. Во овие денови Министерството за надворешни работи ќе отвори книга на жалост во рамки на Министерството за огромната несреќа која се случи“ – соопшти владината прес-служба.
Аналогно на Владината одлука и пред се гледано од човечки и морален аспект, сите спортски активности во нашава земја се ставени во мирување. Што се однесува до меѓународните конкуренции, таму македонските спортисти ќе мораат да ги исполнат обврските. Наредниот викенд Фудбалската репрезентација ја чека меч во Лихтенштајн а ракометарите на Металург дуел во Романија против Баја Маре.

