Стадионот „Лужники“ во Москва е подготвен да и помогне на УЕФА и да биде место каде би се играле натпревари од Европското првенство во фудбал во 2021 година, доколку УЕФА има проблеми со некои стадиони.
На 9 април, британското издание на „Дејли меил“ напиша дека некои од градовите домаќини нема да можат да бидат домаќини на натпревари, бидејќи тие имаат веќе платени други настани на истите датуми. Стадионите во Италија и Шпанија најверојатно нема да бидат готови по пандемијата на коронавирусот, која тешко ги погоди и двете држави.
УЕФА соопшти дека во моментов преговараат со планираните домаќини, кои требаше да бидат организатори на натпреварите оваа година и се треба да биде јасно до крајот на април. Самите градови исто така мора да одлучат дали можат или не можат да ја преуредат својата програма.
„Технички, нашиот стадион е подготвен да прифати настан на ниво како што е Европското првенство. „Лужники“ ги има сите потребни капацитети. Да не заборавиме дека стадионот беше користен кога Русија беше домаѓин на Светското првенство во 2018 година. Треба да се подготвиме 100% според барањата за Евро 2021“, се вели во соопштението од канцеларијата за печат на „Лужники“. Капацитетот на овој стадион е 81 000 места, а Русија веќе има еден град домаќин, а тоа е Санкт Петербург, кој ќе биде домаќин на руската репрезентација.