Македонскиот нордискиот скијач Ставре Јада стана првиот натпреварувач од нашата земја кој успеал да заврши еден маратон на Олимписки игри. Иако поради ниските температури и ветрот организаторот ја скратија трката од 50 на 30 километри, Ставре Јада ќе биде запишан како прв кој финиширал толку долго скијање.
Јада заврши на 56. место, со задоцнување од 14 минути и девет секунди зад првопласираниот Александар Болшунов со време од 1:25:41.8. Среброто му припадна на Иван Јакимушкин од Русија, додека Хегстад Симен Кругер од Новрешка беше бронзен.
Ставре Јада не се откажа на патеката во Пекинг и мина низ целта меѓу последните натпреварувачи. Македонскиот скијач имаше за цел да ја заврши трката и покрај заостанувањето од 14 минути, сепак тоа беше солиден настап за него. Претходно Ставре Јада се натпреваруваше и на крос-кантри трката на 1.500 метри во која не ги мина квалификациите. Во вториот настап на зимските Олимписки Игри, Јада може да биде задоволен од денешниот барем со денешниот настап на маратонската крос-кантри трка, иако зад него завршија само тројца.
Со овој настап завршија настапите на македонската олимписка делегација, откако претходно се натпреваруваше и Ана Цветановска на крос-кантри трката на десет километри. За разлика од нив, на овие Олимписки игри не можеше да настапи Дардан Дехари, кој заработи повреда на коленото на еден од тренинзите.