Напаѓачот на Атлетико Мадрид, Луис Суарез може да го промени тимот ова лето. За услугите на 35-годишниот уругвајски напаѓач се заинтересирани клубови од МЛС и Бразил, објавија медиумите во Шпанија. Според истите, од Атлетико Мадрид се подготвени да му понудат на играчот нов договор.
Луис Суарез е во Атлетико Мадрид од 2020 година, откако се пресели од Барселона за 7 милиони евра. Оваа сезона уругвајскиот напаѓач постигна 11 гола и три асистенции на 33 натпревари во сите натпреварувања.
Пазарната вредност на Суарез се проценува на 10 милиони евра. Неговиот договор со шпанскиот клуб истекува на крајот од сезоната.