Мексико го порази светскиот шампион од Бразил 2014-тата, Германија со 1:0 на стартот на СП во Русија во рамките на групата „Ф“. Мексиканците одиграа извонредно прво полувреме и со неколку шанси уште во првите 15-тина минути го најавија триумфот. Голот за радост и победа стигна во 35 минута и беше дело на голгетерот на холандски ПСВ, Ирвин Лозано.
Иако во второто полувреме Мексиканците се повлекоа и им оставија многу простор за игра на Германците, актуелниот светски шампион не успеа да искористи ниту една шанса. Забележливо во тимот беше лошата игра на средниот ред и нефункционалноста на неколку играчи, како Милер, Озил и Кедира.
Селекторот на Германија, Јоаким Лев сега ќе мора да најде начин како ќе го врати својот тим на вистинскиот пат, ако се знае дека прекупотребни му се победи на следните два меча со Ј. Кореја и Шведска.