Тренерот на Манчестер Јунајтед, Ерик тен Хег стана само третиот холандски тренер кој ја завршил сезоната во англиската Премиер лига во најдобрите четири екипи. Претходно тоа го постигнаа само Луис ван Гал со Манчестер Јунајтед во сезоната 2014/2015 и Гус Хидинк со Челзи во сезоната 2008/2009.
Манчестер Јунајтед, откако го победи Челзи (4:1) во одложениот натпревар од 32. коло на англиската Премиер лига, си обезбеди пласман во најдобрите четири екипи на крајот од сезоната.
Со оваа победа Манчестер Јунајтед се искачи на третото место на табелата во англиската Премиер лига со 72 бода од 37 натпревари. Веднаш зад нив е Њукасл со 70 освоени бодови, а на петтото место на табелата во Премиер лигата е Ливерпул кој има освоено 66 бодови и нема да може да ги достигне своите конкуренти.