Менаџерот на Манчестер Јунајтед, Ерик тен Хаг вели дека ги детектирал причините за слабиот старт на тимот сезонава. „Црвените ѓаволи“ ги загубија првите два натпревара во Премиер лигата од Брајтон и Брентфорд и се на дното на табелата, а вечерва го пречекуваат вицешампионот Ливерпул.
„Имавме добра претсезона, но потоа нашиот број 9 (Ентони) Марсијал се повреди и (Кристијано) Роналдо не беше подготвен. Ни недостигаше и дефанзивен играч за врска. Во првиот натпревар, двајца централни бекови кои немаа игране заедно почнаа како стартер,. а исто така и нашиот голман не одигра добар натпревар. Затоа – има причини за лошиот старт, но ќе ги поправиме. Нашите резултати ќе се подобрат“, сигурен е Холанѓанецот.