Централниот дефанзивец на Бразил Тиаго Силва е изборот на селекторот Тите за капитенската лента на тимот за дуелот со Костарика.
Како што е познато, селекторот на Бразилците воведе пракса да го менува својот капитен во речиси секој натпревар, откако е на чело на тимот. Така тренерот сака да ги развие лидерски квалитети кај своите фудбалери.
Досега тој користел за оваа намена 14 различни играчи во 22 средби: Дани Алвеш (4 пати) Миранда (3 пати), Тиаго Силва (2 пати досега), Марсело (3 пати) и по еднаш Каземиро, Ренато Аугусто, Габриел Жезус , Вилиан, Филипе Кутињо, Фернандињо, Маркињос, Филипе Луис и Робињо.
Последен пат дефанзивецот на Пари Сен Жермен беше капитен на тимот при поразот со 0:1 против Аргентина во јуни 2017. Овој пораз на контролниот натпревар одигран во Австралија, е единствениот пораз за Тите во неговите 22 натпревари на чело на Бразилците.