Селекторот на фудбалската репрезентација на Бразил Тите останува на функцијата уште четири и пол години, а со тоа ќе го води тимот и на Светското првенство во Катар во 2022-та година, ако се пласираат рангира. Ова беше објавено денеска од страна на Фудбалската Конфедерацијата на оваа земја.
Бразил отпадна во четвртфиналето на Светското првенство во Русија ова лето од силниот состав на Белгија што беше прифатено со измешани чувства. Од една страна раното завршување на два круга пред финалето е далеку од навиките на старите бразилски навивачи, но пак играчите и некои аналитичари го бранеа тренерот поради добрата тимска работа и различната игра во однос на неговите претходници Луис Фелипе Сколари и Карлос Дунга.
„Федерацијата одлучи да даде почеток на еден нов проект, доделувајќи рок од 6,5 години на техничкиот комитет, кој е одговорен за националниот тим. Ние веруваме, но и исто така внимателно ќе ги следиме процесите, бидејќи очекуваме соодветни фудбалски успеси” изјавија од Конфедерацијата.
Тите го презеде тимот во 2016 година, кога Карлос Данга започна многу лошо. Но поранешниот тренер на Коринтијанс многу брзо го врати јужноамериканскиот гигант на нозе и со серија од 9 последователни победи ги пласираше на СП 2018.
Иако беа сметани за фаворити за титулата, сепак Бразил не успеа да одигра натпревар од кој застанува здивот, со исклучок мечот со Белгија и покрај тоа што го загубија.