Дефанзивецот на Шалке 04, Жан-Клер Тодибо се здоби со повреда на бутот на вчерашниот натпревар од 26-то коло на германското фудбалско првенство против Борусија Дортмунд одигран на „Сигнал Идуна Парк“.
Сезоната во Бундес-лигата по пауза од нешто повеќе од два месеца поради пандемијата на корона-вирусот продолжи вчера зад затворени врати. 20-годишниот Французин, кој од јануари игра како позајмен во Гелзенкирхен од екипата на Барселона, беше примудно заменет на полувремето.
Тој допрва ќе мора да ги помине медицинските прегледи за да се утврди степенот на повредата и периодот на опоравување. Тодибо на вчерашниот меч кон средината на првото полувреме упати вулгарности кон напаѓачот на Дортмунд, Ерлинг Халанд.

