Mакедонскиот фудбалски интернациналец Андреј Тодороски не е повеќе член на Спартак Суботица и кариерата ќе ја продолжи во таборот на ТСЦ Бачка Топола.
За овој трансфер се зборуваше иште од почетокот на преодниот рок. Андреј Тодороски беше голема желба на ТСЦ, но преговорите со Спартак не одеа лесно.
Напаѓачот на Спартка Суботица имаше понуди и од Русија и Украина, но сепак на крајот од зимскиот преоден рок, Спартак и ТСЦ се договорија, Тодороски оди во Бачка Топола во трансфер вреден 450.000 евра и 20 % од следната продажба.
Наддавањето почна со 200.000 евра на почетокот на преодниот рок, бидејќи Тодороски беше голема желба на тренерот на ТСЦ, Јован Дамјановиќ, кој во него гледа решение за десната крилна позиција. Се очекуваше дека зделката ќе се забрза кога Тополчани ги продадоа Александар Ќирковиќ и Ифет Ѓаковац, заработувајќи добро во текот на зимата, но сепак се покажаа како тешки преговарачи.
Една од работите што им одеше во прилог беше тоа што Тодороски не беше баш расположен за заминување во Источна Европа, иако Спартак имаше солидни понуди од Русија.
На крајот, непосредно пред да се спушти завесата на српската трансфер сцена, работата беше завршена. Единствениот проблем е што новиот играч на Тополчани нема да има право на настап на европска сцена доколку ТСЦ ја мине Јагелонија.
Тодоровски својата фудбалска кариера ја градеше во австриските Виена, Виенер и АКА Рапид, а забележа и настапи за неколку младински селекции на Македонија.

