Тотенхем ќе ги казни Аргентинците Џовани Ло Селсо и Кристијан Ромеро , како и Колумбиецот Давинсон Санчез по нивното враќање од репрезентативните настапи.
Претходно беше објавено дека клубовите од англиската Премиер лига одлучија да не ги пуштаат играчите на септемвриските натпревари на националните тимови, кои ќе се одржат во земјите вклучени во „црвената листа“ на британската влада. Ова ги вклучува сите земји во Јужна Америка.
И покрај ова, играчите на Тотенхем одлучија да играат за своите репрезентации. Тие планираа да го прескокнат само третиот квалификациски натпревар за СП – 2022 година во септември и да се вратат во Обединетото Кралство преку Хрватска за да избегнат карантин.
Ќе потсетиме, вчера, бразилските власти сакаа да депортираат четворица играчи на аргентинската репрезентација, сомневајќи се дека Емилијано Мартинез, Емилијано Буендија, Кристијан Ромеро и Ло Селсо ја преминале границата со фалсикувани документи за вакцинација. Полицијата и службениците за миграција се приближија на теренот за време на натпреварот помеѓу Аргентина и Бразил, по што Аргентинците одлучија да го напуштат стадионот. Самиот натпревар беше официјално прекинат.