Фудбалската асоцијација на Англија може да изрече казна со одземање на 10 бода од контото на Тотенхем во англиската Премиер лига за сезоната 2023/2024 поради трансферот на Џермејн Дефо во Портсмут, што се случи пред 15 години, пишува „Тајмс“.
Во 2008 година, Тотенхем го продаде Дефо во Портсмут за 8,5 милиони евра, а Спарс го искористија нелиценцираниот агент Мичел Томас за да преговараат за трансферот. Исто така, претседателот на Тотенхем, Даниел Леви, го ангажираше агентот Стјуарт Питерс, кој имаше лиценца. Но, во исто време немаше подготвен договор според правилата на ФА.
ФА набрзо стана свесна за прекршувањата, но во јануари 2010 година здружението одлучи да не воведува никакви санкции против лондонскиот клуб. Сепак истата година, ФА му одзема 10 поени на Лутон Таун за слични прекршоци.

