Англиски Тотенхем на крајот од оваа сезона планира да разговара со италијанскиот тим Јувентус за целосен трансфер во лондонскиот тим на играчот од средниот ред Дејан Кулушевски.
Кулушевски кој има 21 година му се приклучи на Тотенхем со позајмица од една и пол година за време на зимскиот преоден рок. На 11 натпревари за англискиот тим, овој фудбалер постигна два гола и четири асистенции. Беше објавено дека Тотенхем може да го купи Кулушевски за 35 милиони евра.
Договорот меѓу Кулушевски и Јувентус истекува во летото 2024 година. Пазарната вредност на играчот од средниот ред се проценува на 35 милиони евра.