Кога ќе се кажеше дека на клупата на една екипа е Жозе Мурињо, синоним за таа екипа беше дека игра дефанзивен фудбал,
Сепак од почетокот на сезоната екипата на Тотенхем го промени сето ова и игра можеби најофанзивно на стартот од Премиер лигата. Доказ за тоа се високите победи со постигнати пет, шест, па дури и седум голови, а дефинитивно еден од најзаслужните за оваа офанзивна игра е Хунг Минг Сон.
Јужнокорејскиот офанзивец игра во животна форма и скоро на секој натпревар е стрелец на гол за својата екипа. Токму заради тоа Жозе Мурињо побарал од челниците на клубот да подготват понуда за продолжување на соработката со Хунг Минг Сон. Одредени медиуми во Англија веќе објавија дека таа понуда е веќе готова и Сон на маса ќе добие нов петгодишен договор со Тотенхем. Актуелниот му завршува во 2023 година, што значи дека 28-годишниот напаѓач во лондонскиот гигант би останал до крајот на својата кариера.
Хунг Мин Сон од почетокот на сезоната има постигнато седум гола во Премиер лигата и е еден од најдобрите фудбалери од почетокот на сезоната заедно со Калверт-Левин со кој се на врвот на листата на стрелците во англиската елита.

