Денеска од 8.30 започнува 14-то издание на традиционалниот – „Виз-Ер Скопски маратон“ на кој ќе се појават повеќе од 10.000 натпреварувачи од преку 58 земји. Промоторката на годинашниов собир е Британката, Пола Редклиф, ќе биде дел од трката на 5 километри.
Македонскиот атлетичар Дарио Ивановски, кој мината година победи на „Виз Ер Скопски маратон на полумаратонската трка важи за прв фаворит заедно со уште двајца македонски натпреварувачи: Милош Ранчиќ и Атанас Анчевски. Претставниците од Кенија, традиционално се главните фаворити на маратонот.
Од македонските натпреварувачи во преден план треба да бидат: Александар Кираџиев и Кокан Ајановски додека кај жени најмногу се очекува од Весна и Биљана Кираџиеви.Маратонската, полумаратонската и штафетната трка ќе стартуваат во 8.30 часот а десет минути подоцна ќе започне трката на 5 км.