Македонските фудбалери го направија она што најмногу го посакуваа, а тоа е да го напуштат Палермо како победници и буквално ја расплакаа Италија во срцето на Сицилија.
Голот на Александар Трајковски во судиското надополнување ги разочара фановите на репреезентацијата на Италија, а од друга страна и донесе многу радост на Македонија.
Поранешниот фудбалер на Палермо имаше кратка посвета на голот на кариерата.
„Ова е за моето семејство и за цела Македонија!“, порача Трајковски на социјалните мрежи.
Вечерва нашата фудбалска експедиција се враќа во Скопје, а потоа следува подготовка за мечот со Португалија кој го играе во вторник во Порто на стадионот „Драгао“ кој е веќе распродаден и ќе биде исполнет до последно место.