Продажбата на Рафаел Варан во Манчестер Јунајтед е четвртиот најскап трансфер за заминување во историјата на Реал Мадрид, објави „Марка“.
Синоќа стана јасно дека Манчестер Јунајтед и Реал Мадрид постигнале договор за трансфер и англискиот клуб ќе им исплати на Шпанците 50 милиони евра плус бонуси.
Во својата историја, Реал Мадрид продаде поскапо само тројца играчи – рекордот е 105 милиони евра, што Реал Мадрид го доби за трансферот на Кристијано Роналдо во Јувентус во 2018 година. Второто место е за Алваро Мората, кој беше продаден од Реал Мадрид во Челзи за 80 милиони евра во 2017 година, а топ 3 ги комплетира Аргентинецот Анхел ди Марија. Реал Мадрид го продаде на Манчестер Јунајтед за 75 милиони евра во 2014 година.
Трансферната сума за Варан можеше да биде поголема доколку неговиот договор со Реал Мадрид не истекуваше наредната година.