Менаџерот на фудбалерите на Барнли, Шон Диш, рече дека очекува тешко гостување на „Олд Трафорд“ против Манчестер Јунајтед кој игра фантастично под диригентската палка на Оле Гунар Солскјер.
Мечот ќе биде одигран утре во рамките на 24-тиот круг на Премиер лигата. Домаќините победија во сите осум одиграни мечеви откако Норвешкиот тренер во претходниот месец го наследи Жозе Мурињо.
„Мислам дека Солскјер им дава навистина поголема слобода на играчите. Тоа им донесе позитивна енергија и покажа дека тимот ги има сите потребни квалитети да забележи успех. Мислам дека во моментов играчите на Манчестер Јунајтед имаат многу поголема самодоверба и тоа се гледа на теренот. Солскејер направи повеќе промени во карактерот и желбата отколку во тактиката ” потенцираше тренерот на Барнли.