Facebook Twitter Instagram
    Спортско Радио 90.3
    • Дома
    • Фудбал
    • Кошарка
    • Ракомет
    • Тенис
    • Домашен микс
    • Меѓународен микс
    Спортско Радио 90.3
    Home»Фудбал»У21: Младите ремизираа на натпреварот со Црна Гора
    Фудбал

    У21: Младите ремизираа на натпреварот со Црна Гора

    sasoBy saso01/10/2026No Comments2 Mins Read
    Facebook Twitter Pinterest LinkedIn Tumblr Email

    Репрезентацијата на Македонија до 21 година одигра 1:1 против Црна Гора во Битола, во претпоследниот натпревар од квалификациите за Европското првенство. За новиот селектор Александар Таневски ова беше официјално деби на клупата на младата селекцијата.

    Црна Гора прва се закани во Битола. По грешка во нашата одбрана, Вујовиќ доби простор за удар, но не беше прецизен. Македонија возврати во 10. минута преку Данев, кој проби низ средината, но неговиот удар заврши во блокот.

    Во продолжението се играше претпазливо, со многу прекини и грешки на двете страни. Македонија првиот удар во рамките на голот го упати во 40. минута, кога Николовски шутираше од далечина, но Миниќ без проблеми интервенираше.

    Само минута подоцна, Џеков мораше да покаже одлична реакција. Зејковиќ упати незгоден удар, а македонскиот голман ја исфрли топката во корнер.

    Црна Гора сепак успеа да го отвори резултатот во финишот на првото полувреме. Вујовиќ со одличен потег со пета го проигра Костиќ, кој ја искористи празнината во нашата одбрана и со удар од прва го совлада Џеков за 0:1.

    Македонија во второто полувреме излезе со многу поголема енергија и веднаш го притисна противникот. Данев во една добро организирана акција го совлада Миниќ, но пречката спречи брзо израмнување.

    Израмнувањето сепак стигна во 58. минута. Тасовски побегна зад последната линија на Црна Гора и беше соборен во шеснаесетникот. Судијата покажа на белата точка, а Љатифи презеде одговорност и сигурно реализираше за 1:1.

    До крајот Македонија продолжи да го бара вториот гол. Најдобрата можност за целосен пресврт дојде во самиот финиш, кога нововлезениот Мехмед со глава шутираше од непосредна близина, но не успеа да ја погоди мрежата.

    Македонија и Црна Гора во Битола запишаа бод, а нашата селекција квалификацискиот циклус ќе го затвори на 6. октомври со гостување против Шведска.

    Share. Facebook Twitter Pinterest LinkedIn Tumblr Email

    Related Posts

    Македонија против Словенија го затвора неуспешното поглавје во Лигата на нациите Б -лига

    16/11/2026

    Англиската репрезентација постави рекорд по натпреварот против Шпанија

    16/11/2026

    Баерн Минхен бара дури 300 милиони евра за Мајкл Олисе

    16/11/2026

    Leave A Reply Cancel Reply

    СПОРТСКО РАДИО 90.3 / ВО ЖИВО
    МАРКЕТИНГ
    Следете не на Facebook
    Најнови вести
    • Македонија против Словенија го затвора неуспешното поглавје во Лигата на нациите Б -лига
    • Македонија се запиша во историјата на Младинските олимписки игри Дакар 2026
    • Ален и Адријан Рустемовски од утре ги започнуваат натпреварите на ЕП ви бокс У-23
    • Англиската репрезентација постави рекорд по натпреварот против Шпанија
    • Баерн Минхен бара дури 300 милиони евра за Мајкл Олисе
    За Спортско Радио
    Почнувајќи од 22 февруари 2005 година, Спортското радио 90.3 фм емитува исклучиво спортска програма, со повеќе од 15 часовна програма во живо. Концепцијата на Спортското радио 90.3 фм е пред се, брзо и точно информирање за сите спортски настани. Спортското радио 90.3 фм има традиција, преточена во нов спортски звук!

    © 2026 ThemeSphere. Designed by ThemeSphere.

    Type above and press Enter to search. Press Esc to cancel.