УЕФА на официјалната веб-страница го објави распоредот на полуфиналните натпревари од Лигата на шампионите.
Познато е дека Манчестер Сити ќе го одигра првиот полуфинален натпревар против Реал Мадрид на 26 април во Манчестер на стадионот „Етихад“. Реваншот е закажан за 4 мај на „Сантијаго Бернабеу“ во Мадрид.
Првиот натпревар помеѓу Ливерпул и Виљареал ќе се одигра на 27 април на „Енфилд“, а реваншот ќе се одигра на 3 мај на „Естадио Де ла Керамика“. Сите натпревари ќе започнат во 21:00 часот.
Да потсетиме, Манчестер Сити во четвртфиналето од Лигата на шампионите го победи Атлетико. Виљареал го елиминираше Баерн Минхен. Ливерпул ја исфрли Бенфика од Лигата на шампионите, додека Реал го победи Челзи.
Финалниот натпревар од актуелната сезона во Лигата на шампионите ќе се одигра на 28 мај. Средбата ќе се одржи на „Стад де Франс“ во Сен Дени – Париз (Франција).