УЕФА дефинитивно потврди дека стадионот „Ататурк“ во Истанбул ќе биде домаќин на финалистите во Лигата на шампионите.
Постоеше одредена резерва поради мерките за карантин во Турција, но сепак денес УЕФА најави дека ќе направи сè за да им обезбеди по 4.000 влезници на Манчестер Сити и Челзи. Англиските екипи ќе се сретнат во финалниот натпревар во битката за трофејот која ќе биде на 29 мај.
Целта беше да се исполни 50% од капацитетот на трибините. Но, новиот бран на заболени во Турција не го дозволува тоа.
На ова место требаше да биде одиграно минатогодишното финале. Меѓутоа поради претпазливост, финалето меѓу Баерн Минхен и ПСЖ се играше во Лисабон. Истанбул беше сведок на еден од највозбудливите финални натпревари, финалето во 2005 година. Тогаш се случи оној неверојатен пресврт на Ливерпул против Милан, по негативата од 3:0 на полувреме, Ливерпул се радуваше на трофејот.

