Facebook Twitter Instagram
    Спортско Радио 90.3
    • Дома
    • Фудбал
    • Кошарка
    • Ракомет
    • Тенис
    • Домашен микс
    • Меѓународен микс
    Спортско Радио 90.3
    Home»Домашен микс»УО на МОК го усвои извештајот за ЕМОФ и постави насоки за иден раст со нов тим
    Домашен микс

    УО на МОК го усвои извештајот за ЕМОФ и постави насоки за иден раст со нов тим

    sasoBy saso01/11/2025No Comments4 Mins Read
    Facebook Twitter Pinterest LinkedIn Tumblr Email

    Управниот одбор на Македонскиот Олимписки комитет ја одржа својата редовна седница на која едногласно беа донесени низа клучни одлуки за успешното работење и идниот развој на олимпизмот. Во главните точки спаѓаа усвојувањето на извештајот за ЕМОФ, именувањето на нов менаџерски тим и одобрувањето на новите олимписки стипендии за ОИ Лос Анџелес 2028, по што беа свечено потпишани и договорите со стипендистите.

    Во фокусот на седницата беше извештајот за Европскиот младински олимписки фестивал (ЕМОФ) Скопје 2025, кој беше едногласно усвоен. Претседателот Даниел Димевски истакна дека настанот, со рекорден број учесници, е препознаен од Европските олимписки комитети (ЕОК) како настан на највисоко ниво, реализиран од висококвалитетен и посветен тим. Беше нагласена исклучителната ефикасност на тимот на МОК, кој успеа да го реализира настанот со буџет кој е петпати поефикасно искористен во споредба со слични настани во регионот.

    Како признание за успешниот настан и во духот на олимписката солидарност, Управниот одбор донесе одлука голем дел од спортската и останата опрема набавена за ЕМОФ да биде донирана на националните спортски федерации и на други институции од јавен интерес.

    Со цел да се задржи трендот на раст и развој, Управниот одбор едногласно донесе одлука за избор и именување на нов Генерален секретар, Ѓорѓи Тасев. Тој во своето обраќање најави визија за модерна, транспарентна и дигитализирана канцеларија и изрази благодарност за довербата. Претседателот Димевски истакна дека е неопходна нова енергија од млади луѓе. Во тој контекст, едногласно беа избрани и Петар Спасеновски – Раководител на сектор спорт, Елена Зисовска Апостолска – Шеф на кабинет, Александар Богоевски – Директор на СЦ Јане Сандански, Сашо Димитријоски – Член на Управен одбор, и Дејан Митровски – Комесар за безбедност.

    МОК и претседателот Димевски изразија огромна благодарност до досегашниот генерален секретар Сашо Поповски и досегашниот спортски директор Владимир Богоевски за нивниот непроценлив придонес во издигнувањето на МОК во изминатите години. Како што беше нагласено на седницата, двајцата ќе останат во рамките на МОК, каде со своето знаење и искуство ќе продолжат да придонесуваат. Поповски ќе биде одговорен за комуникација со меѓународни организации, додека Богоевски ќе биде Советник за спортски прашања на претседателот Димевски.

    Меѓу останатите одлуки, Управниот одбор едногласно ги усвои и предлозите за новите Олимписки стипендии за ОИ Лос Анџелес 2028. Одобрени беа 9 стипендии, со вкупен месечен износ од 9.000 американски долари, кои ќе се исплаќаат директно на спортистите. По завршувањето на седницата, беа и свечено потпишани договорите со стипендистите.

    Стипендисти за ОИ Лос Анџелес 2028 се:

    •           Дејан Георгиевски (1.600 УСД) – Таеквондо

    •           Мила Рељиќ (1.600 УСД) – Таеквондо

    •           Дарио Ивановски (1.200 УСД) – Атлетика

    •           Ангел Петрушев (1.200 УСД) – Кајак

    •           Анастасија Мојсовска (800 УСД) – Спортско стрелаштво

    •           Магомедгаџи Нуров (800 УСД) – Борење

    •           Владимир Егоров (800 УСД) – Борење

    •           Душица Бреслиева (600 УСД) – Таеквондо

    •           Никола Ѓуретановиќ (400 УСД) – Пливање

    Дополнително, се разговараше и за проектот за поставување фотоволтаични панели на Олимпискиот дом и за потребата од усогласување на правилниците на националните спортски федерации со законот, со посебен акцент на автономијата на спортските организации.

    Седницата ги потврди успешните резултати од изминатиот период и постави јасни насоки за иден раст и модернизација на Олимпискиот комитет.

    Share. Facebook Twitter Pinterest LinkedIn Tumblr Email

    Related Posts

    Македонија се запиша во историјата на Младинските олимписки игри Дакар 2026

    16/11/2026

    Ален и Адријан Рустемовски од утре ги започнуваат натпреварите на ЕП ви бокс У-23

    16/11/2026

    Украинецот Захариев е освојувач на 55. „Златен Гонг“

    15/11/2026

    Leave A Reply Cancel Reply

    СПОРТСКО РАДИО 90.3 / ВО ЖИВО
    МАРКЕТИНГ
    Следете не на Facebook
    Најнови вести
    • Македонија против Словенија го затвора неуспешното поглавје во Лигата на нациите Б -лига
    • Македонија се запиша во историјата на Младинските олимписки игри Дакар 2026
    • Ален и Адријан Рустемовски од утре ги започнуваат натпреварите на ЕП ви бокс У-23
    • Англиската репрезентација постави рекорд по натпреварот против Шпанија
    • Баерн Минхен бара дури 300 милиони евра за Мајкл Олисе
    За Спортско Радио
    Почнувајќи од 22 февруари 2005 година, Спортското радио 90.3 фм емитува исклучиво спортска програма, со повеќе од 15 часовна програма во живо. Концепцијата на Спортското радио 90.3 фм е пред се, брзо и точно информирање за сите спортски настани. Спортското радио 90.3 фм има традиција, преточена во нов спортски звук!

    © 2026 ThemeSphere. Designed by ThemeSphere.

    Type above and press Enter to search. Press Esc to cancel.