Мексиканската фудбалска легенда Рафаел Маркес ја заврши својата богата фудбалска кариерата. Играчот кој беше миленик на навивачите ги закачи копачките на клинец по последниот натпревар на Атлас (0:0 со Пачука), од каде го започна патот кон големиот фудбал.
39-годишниот Маркес последен го напушти теренот, за да се збогуваат со илјадниците навивачи на стадионот „Идалго”, завршувајќи својата богата кариера, но со забелешката дека ако е здрав, може да помогне на Мексико за Мундијалот во Русија.
За повеќе од 20 години на теренот Маркес има одиграно 143 натпревари (19 гола) за националниот тим на Мексико и над 500 натпревари за различни клубови (постигнато 23 гола), меѓу кои Монако, Барселона, Њујорк Ред Булс, Леон, Верона и Атлас. Маркес е шампион на Франција (1) и на Шпанија (4), добитник на Купот и Суперкупот на Шпанија, Лигата на Шампионите (2) и Светскиот клупски Куп. Тој го освои Купот на конфедерации со Мексико и КОНКАКАФ „Голд Куп“.