Тренерот на Барселона, Ернесто Валверде изјави дека ѕвездата на тимот Лионел Меси не сакал да биде променет на синоќешниот натпревар со Валенсија, во кој тој ги постигна двата гола за својот тим.
Меси ги „стресе“ Каталонците дваесет минути пред крајот на натпреварот кога почувствуваа болка во десниот бутен мускул и му требаше медицинска помош.
„Не можам да кажам точно што е проблемот на Меси, ќе почекаме. Но претпоставувам дека не е нешто сериозно. Ќе видиме. Ако е во добра состојба, ќе игра на мечот од Купот против Реал. Лео не ми кажа дека сака да го сменам“, изјави Валверде.
„Веројатно кај него станува збор за лесна повреда. Докторите ќе го кажат својот збор. Потоа ќе процениме каква е ситуацијата. Во моментов навистина не можам да ви кажам ништо. Што се однесува до натпреварот, првото полувреме беше многу чудно. Валенсија започна многу добро и постигна два гола, но потоа ние доминиравме. Имавме чувство дека можеме да дојдеме до гол и до пресврт, но не успеавме да направиме целосен пресврт“ истакна Валверде.
Според најавата се очекува денес Меси да направи детални прегледи по што ќе се знае сериозноста на повредата и дали ќе биде во можност да настапи на средбата со Реал Мадрид која се игра во среда.