Тренерот на Барселона Ернесто Валверде е задоволен од претставувањето на тимот, иако дојдоа до тешка победа со 3:2 како гостин кај Рајо Ваљекано .
„Го започнавме натпреварот добро, ја контролиравме топката и создадовме шанси, особено на левата страна, од каде дојде првиот гол. За време на натпреварот не можевме да го задржиме темпто и тоа да биде во наша полза. Рајо Ваљекано е добар тим, тие успеаа да го свртат резултатот. Се опуштивме и го искористија тоа. Покажавме карактер на крајот на натпреварот. Осман Дембеле ни дава агресија во нападот. Тој е добар во еден на еден и го користи добро празниот простор. Очекуваме уште многу од него. Тој го постигна најважниот гол. Суарез исто така презема одговорност во многу клучен момент “, рече Ернесто Валверде по натпреварот.