Тренерот на Барселона Ернесто Валверде не смета дека утрешниот натпревар со Реал Мадрид ќе биде чисто формален.
„Ел Класико си е Ел Класико. За наша радост ние сме шампиони. Тие доаѓаат со идеа да ја нарушат нашата прослава”, рече тренерот на Барселона на денешната прес-конференција.
„Титулата е секогаш за најдобриот, во Лигата на Шампионите сето тоа е различно – има повеќе фактори. Може да имате лош ден, да немате среќа. Во исто време во Лигата на Шампионите има повеќе кандидати, додека во Ла Лига има два, три или четири”, изјави Валверде.
„Мислам дека не постои недостиг на почит за тоа што нема да ни направат шпалир. Не се сомневам дека утре ќе ги видиме двата најдобри состави на Барса и Реал Мадрид. Иниеста ми ја соопшти својата одлука пред месец или месец и половина. Мислам дека добро размисли. Тој е човек кој долго време беше во фудбалот, има доволно знаење за работите “, рече Валверде.
Средбата Барселона – Реал Мадрид се игра утре од 20.45 часот на „Камп Ноу“.