Холандскиот дефанзивец Вирџил Ван Дајк беше задоволен од победата со 3:0 над Германија во Лигата на нациите. Играчот на Ливерпул го постигна првиот гол, кој им даде на играчите на Куман самодоверба за да дојдат до победа на оваа средба.
„На моменти беше тешко за нас, но на крајот победивме со 3:0 против Германија. Кога го постигнавме првиот гол, се обидовме да ја зголемиме разликата, бидејќи сфативме колку е важно да имаме добра предност. Работевме многу за овој резултат. Мислам дека во целина се справивме добро, изгледавме многу подобро од претходните натпревари. Не знам дали оваа игра може да се смета за репер, но таков резултат, се разбира, ќе не врати во живот, откако не успеавме да се квалификуваме за Светското првенство во Русија” рече Ван Дајк по натпреварот.